زانیاری دەربارەی وونبوونی مۆڵەتی شۆفێری

1.پێویستە داواكار سەردانی بنكەی پۆلیسی وونبووەکان بكات لە پشتی بینای کۆنی دادگای سلێمانی نزیک شەقامی قەنات  بۆ ئەوەی نوسراوی وون بوون ئاڕاستەی بەڕێوەبەرایەتیمان بكرێت .
2. پاشان پێویستە لە ماڵپەڕی هاتووچۆی سلێمانی کۆدی سەردانیکردن وەربگرێت تا بتوانێت سەردانی بەشی مۆڵەت بکات لە بەڕێوەبەرایەتی هاتووچۆی سلێمانی. کلیک لێرە بکە بۆ وەرگرتنی کۆد

3. دوای وەرگرتنی کۆدی سەردانیکردن لە مالپەڕی هاتووچۆی سلێمانی لە کاتژمێر (٠٧:٠٠) ی ئێوارە، پێویستە بۆ رۆژی دواتر راستەوخۆ سەردانی هاتووچۆی سلێمانی بکەیت بە پێچەوانەوە کۆدەکە بەسەردەچێت و دەبێت بۆ ڕۆژێکی تر کۆدی نوێ وەربگریتەوە. 

4. لەکاتی سەردانیکردنی بەشی مۆڵەت پێویستە ئەم بەڵگەنامانەت پێبێت (کارتی نیشتیمانی ئەگەر نەبوو ناسنامەی باری شارستانی و رەگەزنامەی عێراقی، کارتی زانیاری، نووسراوی وونبوونی مۆڵەتەکەت) تەنها رەسەنەکان (ئەصلییەکان) و پێویست بە کۆپی کردن ناکات.

5. بڕی (٦٠٠٠٠) شەست هەزار دینار وەردەگیرێت بەرامبەر دەرکردنی کارتی مۆڵەتی شۆفێری لەکاتی تێکچوون یان وونبوونی.