چەند هۆنراوەیەک بۆ هۆشیاری و ڕێنمایی شۆفێران

هاوڕێی شۆفێر تکایە
چاکەی خۆتی تێدایە
ئەم یاسای هاتوچۆیە
بۆ سەلامەتی تۆیە
پڕۆژەی نوێی ئەمجارە
هۆشیاریە بۆئەم شارە
ئامانجی سزا نیە
بیرخستنەوە و ڕێنماییە
پەرۆشین سەلامەتبن
تاهەمیشە پێشەنگ بن
ئەوەی پێتان ئەسپێرین
بەیاسا بۆتان دێنین

گەر لەترافیکی سوردەی
ژیانت لەناو ئەبەی
ڕێکخستنی ڕێگاکان
بەڕەنگی ترافیکەکان
نیشانەی پێشکەوتنە
لەیاسا تێگەیشتنە



لێخوڕین بە سەرخۆشی
لەگەڵ ماددەی بێهۆشی
توانای شۆفێریت نابێ
ژیانت بەکۆتا دێ
ئەوکاتەی کەسەرخۆشی
لەئاست شەقام بێ هۆشی
لەوشتانەی ڕو ئەدات
لەوەی بۆت ئەبێ پێشهات


کڵاو بۆ ماتۆڕەکان
بۆ سەلامەتی ژیانیان
کەمەربەندیش بۆ هەموان
شۆفێرو سەرنشینان
بەکاری بێنن تەواوە
ژیانتان پارێزراوە

توندوتۆڵی و ژینگەی پاک
خزمەتە بەگەل و خاک
ئەوکات تۆپاریزراوی
لە تەکنیکدا تەواوی
سوارڕەوەکەت چالاکبێ
توندووتۆڵی خۆی هەبێ



ئەگەر ئەمڕۆ شۆفێری
پیادەکان ئەبوێری
سبەینێ تۆش پیادەی
بەتەنها لەسەر جادەی
چاوەڕوانی هاوکاری
تەواو لەخۆت بێزاری



منداڵان لەسەر شەقام
لەگەڵ کەسی کەم ئەندام
چاوەڕێی ڕەحمی تۆیە
سەلامەت بێت لەوڕێیە
بەخێرای و هۆڕن لێدان
تۆ مەیانکە هەراسان
منداڵ زۆر زوو ئەشڵەژێ
خێرا لێی تێک ئەچێت ڕێ

مۆبایل هۆشت دەبات
لەڕاستەڕێ لات دەدات
توانای تێبینیت نابێ
لە شەقام هۆشت نابێ
دواجار دەگەیت بەڕوداو
پەشیمانیش بیت تەواو