سیمینارێكی تایبەت بە ئامادەكردنی فێرخواز بۆ شۆفێریكردن ئەنجامدرا

لە چوارچێوەی كارو چالاكییەكانی نوسینگەی ڕابەرایەتی كردنی مەعنەوی بەڕێوەبەرایەتی هاتووچۆی پارێزگای سلێمانی، ئەمڕۆ (29/11/2018) لە هۆڵی كۆبوونەوە‌و كۆنفرانسەكانی بەڕێوەبەرایەتی هاتووچۆی سلێمانی بە ئامادەبوونی عەمیدی مافناس (فەرەیدون عومەر ئەحمەد) بەڕێوەبەری هاتووچۆی پارێزگای سلێمانی‌و ژمارەیەك لە ئەفسەران‌و بەڕێوەبەری بەش‌و لێپرسراوی هۆبەكانی هاتووچۆی سلێمانی،  سیمینارێك لەلایەن (خالید مەجید فەرەج) شارەزای بواری یاسا سازكرا، سیمینارەكە تایبەت بوو بە چۆنێتی پێگەیاندنی ئەو ئەفسەرانەی كە تایبەتن بە بەشی پراكتیكی لە نوسینگەكانی فێربوونی شۆفێری، هەروەها بۆ ئامادەكردنی شۆفێر لەكاتی شۆفێریكردن لەسەر شەقام‌و ڕێگاوبانەكان‌و بوونی بەشۆفێرێكی سەركەوتوو لە داهاتوودا.