لە هاتووچۆی سلێمانی سیمینارێكی تایبەت بە توندوتیژی دژی ئافرەتان بەڕێوەچوو

هاتووچۆ: مەریوان ئیسماعیل

فۆتۆ: کاروان بەشان

لە چوارچێوەی كارو چالاكیەكانی بەڕێوەبەرایەتی هاتووچۆی پارێزگای سلێمانی، ئەمڕۆ (6/12/2018) بەسەر پەرشتی هۆبەی ڕابەرایەتیكردنی مەعنەوی لە هۆڵی كۆنفرانسەكانی بەڕێوەبەرایەتی هاتووچۆی سلێمانی‌ و بەئامادەبوونی ڕێكخراوی رۆشنبیری و کۆمەڵایەتی خانزاد‌و ژمارەیەك لە ئەفسەران‌و كارمەندانی هاتووچۆ، كاتژمێر (12:30)ی پاش نیوەڕۆ تا كاتژمێر (01:30)  سیمینارێكی تایبەت بە توندوتیژی دژی ئافرەتان بەڕێوەچوو.

ئەم سیمینارەش دەچێتە چوارچێوەی ئەو ژمارە سیمینارەی كە لە ماوەی ڕابردوودا ئەنجامدران، هاوكات لە ماوەی داهاتوودا بەڕێوەبەرایەتی هاتووچۆی سلێمانی خولێكی تایبەت بە هونەری ڕابەرایەتیكرد (فن القیادە) بۆ ئەفسەرانی هاتووچۆ دەكاتەوە‌و خولەكەش ماوەی یەك مانگ بەردەوامی دەبێت.