کۆبوونەوەیەکی فراوان بۆ تاوتوێکردنی پرۆژەی گۆڕینی ئاراستەکان ئەنجامدرا

ئەمڕۆ 30.1.2019 لە هۆڵی کۆبوونەوەکانی قائیمقامیەتی سلێمانی بەمەبەستی تاوتوێ کردنی دوا ئامادەکارییەکان سەبارەت بەگۆڕینی هەندێک لە ئاراستەی شەقامەکانی ناوشار و سەنتەری شاری سلێمانی بەئامادەبوونی  بەڕێز (ئاوات محه‌ممه‌د) قایمقامی قه‌زای مه‌ڵبه‌ندی سلێمانی و عەمیدی مافناس ( فەرەیدون عومەر ئەحمەد) بەڕێوەبەری هاتووچۆی پارێزگای سلێمانی و مقدمی هاتووچۆ ( فەخرەدین ئەمین) بەڕێوەبەری هاتووچۆی ناوشار و ئەندازیار (فەرمان ئەحمەد)  بەڕێوەبەری بەشی ئەندازەی هاتووچۆی سلێمانی وە سەرجەم ئەفسەرانی ناوشاری سەر بەبەڕێوەبەرایەتی هاتووچؤی سلێمانی کۆبوونەوەیەک ئەنجام درا.

لە کۆبوونەوەکەدا تاوتوێی گۆڕانکارییەکان کرا بەمەبەستی سەرخستنی پڕۆژەکە کە وا بڕیارە لە 1.2.2019 واتە ڕۆژی هەینی بۆ ماوەی چوار ڕۆژ بە شێوەی ئەزموونی بچێتە بواری جێبەجێکردنەوە.