هاتووچۆی سلێمانی ئامادەکاری بۆ پشووەکانی جەژنی نەورۆز دەکات

ئەمڕۆ 2019.3.6 عەمیدی مافناس (فەرەیدون عومەر ئەحمەد) بەڕێوەبەری هاتووچۆی پارێزگای سلێمانی لەگەڵ سەرجەم بەڕێوەبەری بەشەکانی بەڕێوەبەرایەتی هاتووچۆی سلێمانیدا کۆبووەوە بەمەبەستی تاوتوێکردنی ئامادەکارییەکانی هاتووچۆی سلێمانی بۆ پشووەکانی ڕۆژانی جەژنی نەورۆز.

لە کۆبوونەوەکەدا باس لەوە کرا کە چۆن باشترین بەرنامەڕێژی بکەن بۆ ڕێکخستنی ڕەوشی هاتووچۆ لە ناوشار و سەیرانگاکان و شوێنە گەشتیارییەکاندا بۆ ئەوەی هاوڵاتییان بە ئاسانی بتوانن گەشتەکانیان ئەنجام بدەن و ئەو لۆدو قەرەباڵغییانە کەم بکرێتەوە کە لەو ڕۆژانەدا دروست دەبێت. 

فۆتۆ: بەرهەم محمود