سیمینارێکی تایبەت بە هاتووچۆ لەلایەن خوێندکارانی ئامادەیی رەوشەن بەدرخان پیشکەش کرا

هاتووچۆ - هێمن سالار
لە کارێکی نوێدا یەکێک لە خوێندنگە ئامادەییەکانی شاری سلێمانی بەناوی (ئامادەیی رەوشەن بەدرخانی نموونەیی) بەهەماهەنگی لەگەڵ بەشی راگەیاندنی بەڕێوەبەرایەتی هاتووچۆی سلێمانی. ئەمڕۆ سیمینارێکیان سازکرد بە زمانی ئینگلیزی لەلایەن خوێندکارانی ئەو خوێندنگەیەوە. 

سیمینارەکە بە بەشداری دایکان و باوکانی خوێندکارەکان و وە هەندێک لە دام و دەزگاکانی راگەیاندن، لە سیمینارەکەدا خوێندکارەکان بەگوێرەی بەدواداچوونەکانی خۆیان تاوتوێی گرفتەکانی هاتووچۆیان کرد لە ڕووی مەترسی رووداوەکان لە ڕووی مەترسی خراپی ڕێگاوبانەکان و مەترسی هەڵس و کەوتی هەندێک لە شۆفێرەکان و هەروەها باسکردن لە دەرهاویشتەکانی ئوتومبیلەکان و مەترسییەکانی بۆ سەر ژینگە. 

شایەنی باسە ئەمە یەکەمجارە بەم شێوەیەو ئەزموونێکی نوێیە لەناو بەڕێوەبەرایەتی هاتووچۆی سلێمانیدا و لێرەوە بانگهێشتی سەرجەم ناوەندی و دواناوەندییەکان دەکەین وە پەیمانگاو زانکۆکان لە ئایندەدا ئەگەر ویستییان پڕۆژەی لەم جۆرە پێشکەش بکەن ئەتوانن هۆڵی کۆنفرانسەکانی هاتووچۆی سلێمانی بەکاربهێنن بۆ ئەو مەبەستە. 

فۆتۆ: رەنج محمد