سیمینارێكی تایبەت بە فریاكەوتنی سەرەتایی لە هاتووچۆی سلێمانی بەڕێوەچوو

هاتووچۆ: مەریوان ئیسماعیل
فۆتۆ: هێمن سالار
سیمینارێكی تایبەت بە گرنگی‌و كاریگەری فریاكەوتنی سەرەتایی لە كاتی هەر ڕووداوێكدا بە تایبەتی ڕووداوی هاتووچۆ بۆ ڕزگار كردنی ژیانی برینداربووانی ئەو ڕووداوانە لە بەڕێوەبەرایەتی هاتووچۆی پارێزگای سلێمانی بەڕێوەچوو. 
لە چوارچێوەی كارو چالاكییەكانی بەڕێوەبەرایەتی هاتووچۆی پارێزگای سلێمانی ڕۆژی پێنج شەممە ڕێكەوتی (18/7/2019) لە هۆڵی كۆبونەوەكانی بەڕێوەبەرایەتی هاتووچۆی پارێزگای سلێمانی لە تاسڵوجە‌و بە ئامادەبوونی عەمیدی مافناس (فەرەیدون عومەر ئەحمەد) بەڕێوەبەری هاتووچۆی سلێمانی‌و ژمارەیەك لە ئەفسەرانی ناو بارەگاو ئەفسەران‌و كارمەندانی مەفرەزەكانی هاتووچۆ، سیمینارێكی تایبەت بە فریاكەوتنی سەرەتایی لەلایەن خوێندكارانی كۆلیژی پەرستاری زانكۆی سلێمانی گروپی (نێرستار) بەڕێوەچوو.
سەبارەت بە سیمینارەكە ئەندامێكی گروپەكە بە ماڵپەڕی هاتووچۆی سلێمانی ڕاگەیاند، ئەمڕۆ سیمینارێکی تایبەت بە فریاكەوتنی سەرەتایی لە بەڕێوەبەرایەتی هاتووچۆی سلێمانی بۆ ئەفسەران و کارمەندانی هاتووچۆ ئەنجام دەدەن، چونكە لەكاتی هەر ڕووداوێكی هاتووچۆدا ئەفسەران‌و كارمەندانی هاتووچۆ دەگەنە سەر ڕووداوەكە، بۆیە پێویستە زانیاری تەواویان لەسەر چۆنێتی ئەنجامدانی فریاكەوتنی سەرەتایی بۆ بەهاناوەچوونی بریندارانی ڕووداوەكان هەبێت.