بانگەوازێك لە هاتووچۆی سلێمانیەوە بۆ كۆمپانیاكانی بواری ترافیك

بەڕێوەبەرێتی بەشی ئەندازای هاتووچۆ / بەڕێوەبەرایەتی هاتووچۆی پارێزگای سلێمانی ئاگاداری ئەو كەس‌ و لایەنانەی لە بواری ترافیكدا كاردەكەن‌ وە سەرجەم كۆمپانیا تایبەتمەندەكانی بواری ترافیك دەكاتەوە، كە بەشی ئەندازەی هاتووچۆ هەڵدەسێت بە گواستنەوەی (5) پێنج سێت ترافیك لایتی پەڕینەوە‌ و دانانیان لە شوێنی نوێ‌، هەر كۆمپانیا‌و كەس‌ و لایەنێك لە خۆی ڕادەبینێت لە دوای بڵاوكردنەوەی ئەم ئاگادارییەوە لە ماوەی یەك هەفتەدا سەردانی بەشی ئەندازەی هاتووچۆ بكەن لەناو بەڕێوەبەرایەتی هاتووچۆی سلێمانی لە تاسڵوجە، بەمەبەستی وەرگرتنی تەندەر.
تێبینی: پێویستە ئەو كەس‌ و لایەن‌ و كۆمپانیایەی تەندەرەكە وەردەگرێت ‌و پڕی دەكاتەوە لە ماوەی یەك هەفتەدا تەندەرەكە بگەڕێنێتەوە بۆ بەشی ئەندازەی هاتووچۆ.